kuchh andalib kaa khuun jigar bhi hai shaamil — Anwarul Hasan Anwar

vo iztiraab-e-musalsal kaa lutf kyaa jaane
musibaton se jo ghabraa gayaa zamaane mein

— Anwarul Hasan Anwar

ye avadh hai ki jahaan shaam kabhi khatm nahin
vo banaras hai jahaan roz sahar hoti hai

— Anwarul Hasan Anwar

be-khayaali mein bhi phir un kaa khayaal aataa hai
vahi tasvir mire pesh-e-nazar hoti hai

— Anwarul Hasan Anwar

sukun-e-dil na mayassar huaa zamaane mein
na yaad rakhne mein tum ko na bhuul jaane mein

— Anwarul Hasan Anwar

ab tire hijr mein yuun umr basar hoti hai
shaam hoti hai to ro ro ke sahar hoti hai

— Anwarul Hasan Anwar

bhulne vaale tujhe yaad kiyaa hai barson
dil-e-viraan ko yuun aabaad kiyaa hai barson

— Anwarul Hasan Anwar

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal