aisaa na ho vo khud ko samajhne lage khudaa — Arif Shafiq

jab koi ahm faisla karnaa
apne bachchon se mashvara karnaa

— Arif Shafiq

yaqin ab ho gayaa main sach huun 'aarif
jabhi duniyaa mujhe jhuTlaa rahi hai

— Arif Shafiq

gharib-e-shahr to faaqe se mar gayaa 'aarif'
amir-e-shahr ne hiire se khud-kushi kar li

— Arif Shafiq

andhe adam vajud ke girdaab se nikal
ye zindagi bhi khvaab hai tu khvaab se nikal

— Arif Shafiq

'aarif vo faisle ki ghaDi bhi 'ajib thi
dil ko sanbhaalnaa paDaa mizaan ki tarah

— Arif Shafiq

mujhe khudaa ne vo bakhshaa hai shaa'iri kaa hunar
jo khvaab dekhtaa huun vo dikhaa bhi saktaa huun

— Arif Shafiq

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid