phir baiThe baiThe vaada-e-vasl us ne kar liyaa — Ameer Minai

kaun si jaa hai jahaan jalva-e-maashuq nahin
shauq-e-didaar agar hai to nazar paidaa kar

aafat to hai vo naaz bhi andaaz bhi lekin
martaa huun main jis par vo adaa aur hi kuchh hai

maani hain main ne saikaDon baatein tamaam umr
aaj aap ek baat miri maan jaaiye

vo dushmani se dekhte hain dekhte to hain
main shaad huun ki huun to kisi ki nigaah mein

khudaa ne nek surat di to sikho nek baatein bhi
bure hote ho achchhe ho ke ye kyaa bad-zabaani hai

tum ko aataa hai pyaar par ghussa
mujh ko ghusse pe pyaar aataa hai

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

pyaaso raho na dasht mein baarish ke muntazir
maaro zamin pe paanv ki paani nikal paDe

vahaan hamaaraa koi muntazir nahin phir bhi
hamein na rok ki ghar jaanaa chaahte hain ham

koi chhinTaa paDe to 'daagh' kalkatte chale jaaein
azimaabaad mein ham muntazir saavan ke baiThe hain

lahu ke paar koi muntazir hai aakhir-e-shab
kamaal-e-zabt se aage safar kiyaa jaae

kise yaqin ki tum dekhne ko aaoge
akhir vaqt magar intizaar aur sahi