yusuf ke liye hain sar-e-baazaar ikaTThe — Asad Awan

'ghaalib' ke martabe se ye vaaqif nahin 'asad'
ye bad-lihaaz nasl hai ahd-e-jadid ki

subut aaj bhi meri kitaab mein hai 'asad'
vo ek ruqa tiraa tere dastakhat ke saath

jo apne zo'm mein rahte hain aise logon ko
nazar mein rakhte hain dil se utaar dete hain

guzar na jaae ye mausam basant kaa mausam
banafsha phuul khile har taraf zamin ke liye

zaakir-e-aal-e-mohammad hai tu mimbar pe 'asad'
ibn-e-marjaana ke jaisaa ye labaada kaisaa

ik nai tarz kaa kirdaar diyaa jaaegaa
is kahaani mein mujhe maar diyaa jaaegaa