rahguzar bhi tiri pahle thi ajnabi — Ashhar Hashmi

us se milne ki talab mein ji liye kuchh aur din
vo bhi khud biite dinon se bar-sar-e-paikaar thi

— Ashhar Hashmi

vahin ke pattharon se puchh meraa haal-e-zindagi
main reza reza ho ke jis dayaar mein bikhar gayaa

— Ashhar Hashmi

zindagi karnaa vo mushkil fan hai 'ashhar' haashmi
jaise ki chalnaa paDe bijli ke nange taar par

— Ashhar Hashmi

meri duniyaa mein samundar kaa kahin naam nahin
phir ghaTaa pheinkti hai mujh pe ye patthar kaise

— Ashhar Hashmi

'ashhar' kahin qarib hi taarik ghaar hai
jugnu ki raushni ko vahin chal ke chhoD dein

— Ashhar Hashmi

tiraa ghurur jhuk ke jab milaa mire vajud se
na jaane meri kamtari kaa chehra kyuun utar gayaa

— Ashhar Hashmi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

gul kiyaa jis ne vo thaa aur magar
shama ne shikva havaaon se kiyaa

— Tilok Chand Kausar