baarish ne ik ThanDak laa di hai man mein — Ashwini Yadav

man mein aayaa pahle tum ko taa'ne duun
khair haTaao aur bataao kaise ho

— Ashwini Yadav

har ik aansu kaa badlaa ho saktaa hai
ye moti angaare bhi ban sakte hain

— Ashwini Yadav

duniyaa tire suraagh ko ab paa gayaa huun main
lailaa se laa-ilaah talak aa gayaa huun main

— Ashwini Yadav

mujhe chhoD kar jo chalaa gayaa use yaad karne se kyaa gharaz
jo Thahar gae unhein shukriya jo chale gae unhein alvidaaa’

— Ashwini Yadav

zinda rahte milne vaale laakhon hain
mayyat par har girtaa aansu daulat hai

— Ashwini Yadav

ek 'arse ke baa'd main ne tumhein dekhaa hai
ek 'arse ke baa'd phir se mujhe pyaar huaa

— Ashwini Yadav

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

chaand ne taan li hai chaadar-e-abr
ab vo kapDe badal rahi hogi

— Jaun Elia

ik dhuup si tani hui baadal ke aar-paar
ik pyaas hai ruki hui jharne ke baavajud

— Zafar Iqbal