hai ye ummid mire khvaab mein aap aaeinge — Asim Wasti

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

— Asim Wasti

miri zabaan ke mausam badalte rahte hain
main aadmi huun miraa e'tibaar mat karnaa

— Asim Wasti

log kahte hain ki vo shakhs hai khushbu jaisaa
saath shaayad use le aae havaa dekhte hain

— Asim Wasti

tu mire paas jab nahin hotaa
tujh se kartaa huun kis qadar baatein

— Asim Wasti

kahin kahin to zamin aasmaan se unchi hai
ye raaz mujh pe khulaa siDhiyaan utarte hue

— Asim Wasti

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

naqd-e-dil-e-khaalis kuun miri qalb tuun mat jaan
hai tujh kuun agar shubh to kas dekh tapaa dekh

— Siraj Aurangabadi

ye sar-ba-mohr botalein hain jo sharaab ki
raatein hain un mein band hamaari shabaab ki

— Riyaz Khairabadi

kahun ai zauq kyaa haal-e-shab-e-hijr
ki thi ik ik ghaDi sau sau mahine

— Anwar Masood