vo daur qarib aa rahaa hai — Athar Nafees

darvaaza khulaa hai ki koi lauT na jaae
aur us ke liye jo kabhi aayaa na gayaa ho

hamaare ishq mein rusvaa hue tum
magar ham to tamaashaa ho gae hain

kabhi saaya hai kabhi dhuup muqaddar meraa
hotaa rahtaa hai yuun hi qarz baraabar meraa

ai mujh ko fareb dene vaale
main tujh pe yaqin kar chukaa huun

ye dhuup to har rukh se pareshaan karegi
kyuun DhunD rahe ho kisi divaar kaa saaya

ik shakl hamein phir bhaai hai ik surat dil mein samaai hai
ham aaj bahut sarshaar sahi par aglaa moD judaai hai