chaarasaazo miraa ilaaj karo — Azhar Nawaz

khubsurat hai sirf baahar se
ye imaarat bhi aadmi si hai

— Azhar Nawaz

mohtaram kah ke mujhe us ne pashemaan kiyaa
koi pahlu na milaa jab miri rusvaai kaa

— Azhar Nawaz

koi kirdaar adaa kartaa hai qimat is ki
jab kahaani ko nayaa moD diyaa jaataa hai

— Azhar Nawaz

kisi buzdil ki surat ghar se ye baahar nikaltaa hai
miraa ghussa kisi kamzor ke uupar nikaltaa hai

— Azhar Nawaz

jo meraa jhuuT hai akasr mire andar nikaltaa hai
jise kam-tar samajhtaa huun vahi behtar nikaltaa hai

— Azhar Nawaz

mujh ko har samt le ke jaataa hai
ek imkaan tere hone kaa

— Azhar Nawaz

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi