azaab hoti hain aksar shabaab ki ghaDiyaan — Badr Wasti

aaj-kal to sab ke sab Tv ke divaane hue
varna bachche to liyaa karte the paagal ke maze

— Badr Wasti

har shakhs ko gumaan ki manzil nahin hai duur
ye to bataaiye ki pata kis ke paas hai

— Badr Wasti

qaatil ki saari saazishein naakaam hi rahin
chehra kuchh aur khil uThaa zahraab gar piyaa

— Badr Wasti

lahu kaa aakhiri qatra nichoDne par bhi
taqaaze reingte rahte hain rang-o-bu ke liye

— Badr Wasti

phaldaar darakhton ne rijhaayaa to mujhe bhi
aazaad parindon ke liye shaakh-o-samar kyaa

— Badr Wasti

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

us ko sochun to dhyaan mein mere
khushbu aati hai pahli baarish ki

— Vibha Jain 'Khwaab'

shikva-e-zulmat-e-shab se to kahin behtar thaa
apne hisse ki koi shama jalaate jaate

— Ahmad Faraz

us ko aanaa thaa ki vo mujh ko bulaataa thaa kahin
raat bhar baarish thi us kaa raat bhar paighaam thaa

— Zafar Iqbal