DhunDh kar dil mein nikaalaa tujh ko yaar — Bahram Ji

nahin but-khaana o kaaba pe mauquf
huaa har ek patthar mein sharar band

— Bahram Ji

hai musalmaan ko hamesha aab-e-zamzam ki talaash
aur har ik barhaman gang-o-jaman mein mast hai

— Bahram Ji

nahin duniyaa mein aazaadi kisi ko
hai din mein shams aur shab ko qamar band

— Bahram Ji

pataa miltaa nahin us be-nishaan kaa
liye phirtaa hai qaasid jaa-ba-jaa khat

— Bahram Ji

zaahidaa kaabe ko jaataa hai to kar yaad-e-khudaa
phir jahaazon mein khayaal-e-naa-khudaa kartaa hai kyuun

— Bahram Ji

zaahiri vaaz se hai kyaa haasil
apne baatin ko saaf kar vaaiz

— Bahram Ji

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi