Bahram Ji

کفر ایک رنگ قدرت بے انتہا میں ہے جس بت کو دیکھتا ہوں وہ یاد خدا میں ہے عاشق ہے جو کہ جامۂ صدق و صفا میں ہے معشوق ہے جو پردۂ حلم و حیا میں ہے عالم ہے مست سجدۂ جاناں میں تا ابد مستی بلا کی بادۂ ''قالو بلیٰ'' میں ہے ایماں ہے عکس رخ تو ہے گیسو کا عکس کفر وہ کون چیز ہے جو تری ماسوا میں ہے ابرو کے محو کعبے میں صورت کے دیر میں عشاق رخ کا سلسلہ نور و ضیا میں ہے بے جلوہ گاہ یار کہاں یہ رجوع خلق بحث فضول برہمن و پارسا میں ہے جویا ہے بس کہ عارض و گیسوئے یار کا پابند شیخ سجدۂ صبح و مسا میں ہے رفتار معجزہ ہے تو ہے سحر چال میں شوخی عجب طرح کی ترے نقش پا میں ہے تیری طرف کو مسلم و کافر کی ہے رجوع پوجا میں برہمن ہے تو زاہد دعا میں ہے مقتول لاکھوں ہو چکے شائق ہزارہا لذت عجیب یار کی تیغ جفا میں ہے اک پیچ و خم میں گبر و مسلماں ہیں مبتلا وسعت بلا کی یار کی زلف رسا میں ہے بہرامؔ عاشقانہ غزل ایک اور بھی قوت ابھی بہت تری فکر رسا میں ہے

kufr ek rang-e-qudrat-e-be-intihaa mein hai

کیا ہے صندلیں رنگوں نے در بند مرا ہو کس طرح سے درد سر بند نہیں ہیں تیرے دام زلف میں دل لٹکتے ہیں ہزاروں مرغ پر بند نہیں بت خانہ و کعبہ پہ موقوف ہوا ہر ایک پتھر میں شرر بند رقیبوں سے ہوئی ہے بزم خالی کرو دروازہ بے خوف و خطر بند تماشا بند آنکھوں میں ہے مجھ کو ہوئی میری بظاہر چشم تر بند نہیں دنیا میں آزادی کسی کو ہے دن میں شمس اور شب کو قمر بند دکھاؤ مے کشو اب زور مستی کیا زاہد نے مے خانے کا در بند در جاناں بھی اک مرجع ہے بہرامؔ ہجوم عاشقاں ہے رہ گزر بند

kiyaa hai sandalin-rangon ne dar band

کب تصور یار گل رخسار کا فعل عبث عشق ہے اس گلشن و گل زار کا فعل عبث نکہت گیسوئے خوباں نے کیا بے قدر اسے اب ہے سودا نافۂ تاتار کا فعل عبث رشتۂ الفت رگ جاں میں بتوں کا پڑ گیا اب بظاہر شغل ہے زنار کا فعل عبث آرزو مند شہادت عاشق صادق ہوئے غیر کو ڈر ہے تری تلوار کا فعل عبث جب دل سنگیں دلاں میں کچھ اثر ہوتا نہیں گریہ ہے اس دیدۂ خوں بار کا فعل عبث خواب میں بھی یار کو اس کا خیال آتا نہیں جاگنا تھا دیدۂ بے دار کا فعل عبث خالی از حکمت ہوا بہرامؔ کب فعل حکیم کام کب ہے داور دادار کا فعل عبث

kab tasavvur yaar-e-gul-rukhsaar kaa fel-e-abas

جو ہے یاں آسائش رنج و محن میں مست ہے کوچۂ جاناں میں ہم ہیں قیس بن میں مست ہے تیرے کوچے میں ہے قاتل رقص گاہ عاشقاں کوئی غلطاں سر بکف کوئی کفن میں مست ہے میکدے میں بادہ کش بت خانے میں ہیں بت پرست جو ہے عالم میں وہ اپنی انجمن میں مست ہے نکہت زلف صنم سے یاں معطر ہے دماغ کوئی مشک چیں کوئی مشک ختن میں مست ہے ہے کوئی محو نماز اور خمکدہ میں کوئی مست دل مرا عشق بتان دل شکن میں مست ہے ہے مسلماں کو ہمیشہ آب زمزم کی تلاش اور ہر اک برہمن گنگ و جمن میں مست ہے عکس روئے شمع رو ہے میرے دل میں جا گزیں دل مرا اس آتش لمعہ فگن میں مست ہے ہے مرا ہر شعر تر بہرامؔ کیسا پر اثر جس کو دیکھو مجلس اہل سخن میں مست ہے

jo hai yaan aasaaish-e-ranj-o-mehan mein mast hai

ہم نہ بت خانے میں نے مسجد ویراں میں رہے حسرت و آرزوئے جلوۂ جاناں میں رہے خوں ہے وہ جس سے کہ ہو دامن قاتل رنگیں خون فاسد ہے جو خالی سر مژگاں میں رہے ہم نے مصنوع سے صانع کی حقیقت پائی بے سبب ہم نہیں نظارۂ خوباں میں رہے صبح خورشید کو دیکھا ہوس عارض میں شام سے روشنیٔ شمع شبستاں میں رہے توڑا زنار کو تسبیح کو پھینکا ہم نے عشق رخ تھا ہوس نور درخشاں میں رہے جا بجا ہم کو رہی جلوۂ جاناں کی تلاش دیر و کعبہ میں پھرے صحبت رہباں میں رہے خلوت دل کی نہ کچھ قدر کو سمجھے حاجی طوف کعبہ کے لیے دشت و بیاباں میں رہے ان اسیروں کو ہوئی قید تعین سے نجات جو کہ پابند ترے گیسوئے پیچاں میں رہے اس زمیں میں غزل اک اور بھی لکھو بہرامؔ یہ دو غزلہ تو بھلا آپ کے دیواں میں رہے

ham na but-khaane mein ne masjid-e-viraan mein rahe

دور ہو درد دل یہ اور درد جگر کسی طرح آج تو ہم نشیں اسے لا مرے گھر کسی طرح تیر مژہ ہو یار کا اور نشانہ دل مرا تیر پہ تیر تا بہ کے کیجے حذر کسی طرح نالہ ہو یا کہ آہ ہو شام ہو یا پگاہ ہو دل میں بتوں کے ہائے ہائے کیجے اثر کسی طرح آئی شب فراق ہے رات ہے سخت یہ بہت کیجے شمار اختراں تا ہو سحر کسی طرح عشق میں دل سے ہم ہوئے محو تمہارے اے بتو خالی ہیں چشم و دل کرو ان میں گزر کسی طرح

duur ho dard-e-dil ye aur dard-e-jigar kisi tarah