main kahaan rakkhun phir masarrat ko — Batool Mussarat

main huun naa-samajh kitni ye dekh lo tum
main samjhi nahin vo jo samjhaa hai tum ne

— Batool Mussarat

sune is dil ki koi baat aa kar
koi to de mohabbat ke ujaale

— Batool Mussarat

zamaane mein hai us ki khush-nasibi
jo khud ko jabr-e-hasti se bachaa le

— Batool Mussarat

vo kaise toD lein rishta kisi se
ho jin ki ziist kaa naa'ra ta'alluq

— Batool Mussarat

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi