kabhi hayaa unhein aai kabhi ghurur aayaa — Bekhud Badayuni

gardish-e-bakht se baDhti hi chali jaati hain
miri dil-bastagiyaan zulf-e-girah-gir ke saath

— Bekhud Badayuni

shikva sun kar jo mizaaj-e-but-e-bad-khu badlaa
ham ne bhi saath hi taqrir kaa pahlu badlaa

— Bekhud Badayuni

khuun ho jaaein khaak mein mil jaaein
hazrat-e-dil se kuchh baiid nahin

— Bekhud Badayuni

vo un kaa vasl mein ye kah ke muskuraa denaa
tulu-e-subh se pahle hamein jagaa denaa

— Bekhud Badayuni

vo jo kar rahe hain bajaa kar rahe hain
ye jo ho rahaa hai bajaa ho rahaa hai

— Bekhud Badayuni

apni khu-e-vafaa se Dartaa huun
aashiqi bandagi na ho jaae

— Bekhud Badayuni

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi