simTaa tiraa khayaal to dil mein samaa gayaa — Bismil Aghai

phir gardish-e-dauraan se ulajhnaa nahin mushkil
ghurbat mein jo pindaar-e-tab-o-taab na TuuTe

— Bismil Aghai

har samt hai viraani si viraani kaa aalam
ab ghar saa nazar aane lagaa hai miraa ghar bhi

— Bismil Aghai

hoti rahi aankhon se jo yuun khuun ki baarish
dil khatm na ho jaae jigar khatm na ho jaae

— Bismil Aghai

har nashtar-e-tafriq ne marham kaa kiyaa kaam
toDe gae lekin mire ahbaab na TuuTe

— Bismil Aghai

ghar mein bhi nazar aaeinge andaaz-e-bayaabaan
jab tak miri vahshat kaa asar khatm na ho jaae

— Bismil Aghai

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

chaand ne taan li hai chaadar-e-abr
ab vo kapDe badal rahi hogi

— Jaun Elia