mast hasin logon mein DhunDiye vafaadaari — Dr. Yasin Aatir

dil ke andar yuun chhupaa rakkhaa hai ik teraa khayaal
jaise ik biij mein poshida shajar rahtaa hai

— Dr. Yasin Aatir

ab aa gayaa huun to dil mein utaar lenaa mujhe
bulaa ke paas mujhe raaegaan na kar denaa

— Dr. Yasin Aatir

main chaahtaa thaa miraa ishq laa-zavaal rahe
so maghfirat ki duaa maangtaa rahaa kal raat

— Dr. Yasin Aatir

tumhein hamesha zarurat pakaD ke laati hai
kabhi to aao mire ghar mire havaale se

— Dr. Yasin Aatir

ret ban kar miri muTThi se phisal jaati hai
ab mohabbat bhi sanbhaali nahin jaati mujh se

— Dr. Yasin Aatir

na jaane kaun si ghurbat hai meri aankhon mein
ki us badan mein khazaane talaash kartaa huun

— Dr. Yasin Aatir

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq