toDe jaate hain jo shishe — Fahmi Badayuni

puchh lete vo bas mizaaj miraa
kitnaa aasaan thaa ilaaj miraa

kaash vo raaste mein mil jaae
mujh ko munh pher kar guzarnaa hai

khuun pilaa kar jo sher paalaa thaa
us ne circus mein naukri kar li

pareshaan hai vo jhuTaa ishq kar ke
vafaa karne ki naubat aa gai hai

main ne us ki taraf se khat likkhaa
aur apne pate pe bhej diyaa

tire moze yahin par rah gae hain
main in se apne dastaane banaa luun