kahaa falak ne ye uDte hue parindon se — Faisal Saeed Zirgham

dard ne dil ki parvarish ki hai
dard hi sher se adaa hogaa

— Faisal Saeed Zirgham

taa-falak le gai betaabi-e-dil tab bole
hazrat-e-ishq ki pahlaa hai ye ziinaa apnaa

— Jurat Qalandar Bakhsh

shab-e-vaada fasil-e-hijr se aage chamaktaa hai tiraa ism-e-sitaara-ju
ki jaise koi paivand-e-ridaa-e-subh aa jaae kisi qindil ki zad mein

— Zahid Masood

zamaana laakh sitaaron ko chhu ke aa jaae
abhi dilon ko magar haajat-e-rafu hai vahi

— Khaleel Tanveer

kuchh aur din abhi is jaa qayaam karnaa thaa
yahaan charaagh vahaan par sitaara dharnaa thaa

— Ateequllah

dil dhaDaktaa hai sitaaron kaa yahaan
uf ye duniyaa kis qadar taarik hai

— Mustafa Rahi

vo palaT ke jald na aaeinge ye ayaan hai tarz-e-khiraam se
koi gardish aisi bhi ai falak jo bulaa de subh ko shaam se

— Arzoo Lakhnavi