javaan-mardi usi rifat pe pahunchi — Faiz Ahmad Faiz

na gul khile hain na un se mile na mai pi hai
ajiib rang mein ab ke bahaar guzri hai

— Faiz Ahmad Faiz

aae kuchh abr kuchh sharaab aae
is ke baa'd aae jo azaab aae

— Faiz Ahmad Faiz

aae to yuun ki jaise hamesha the mehrbaan
bhule to yuun ki goyaa kabhi aashnaa na the

— Faiz Ahmad Faiz

raat yuun dil mein tiri khoi hui yaad aai
jaise viraane mein chupke se bahaar aa jaae

— Faiz Ahmad Faiz

khair dozakh mein mai mile na mile
shaikh-saahab se jaan to chhuTegi

— Faiz Ahmad Faiz

sab qatl ho ke tere muqaabil se aae hain
ham log surkh-ru hain ki manzil se aae hain

— Faiz Ahmad Faiz

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli