aae kuchh abr kuchh sharaab aae — Faiz Ahmad Faiz

tum aae ho na shab-e-intizaar guzri hai
talaash mein hai sahar baar baar guzri hai

kab Thahregaa dard ai dil kab raat basar hogi
sunte the vo aaeinge sunte the sahar hogi

miri jaan aaj kaa gham na kar ki na jaane kaatib-e-vaqt ne
kisi apne kal mein bhi bhuul kar kahin likh rakhi hon masarratein

karo kaj jabin pe sar-e-kafan mire qaatilon ko gumaan na ho
ki ghurur-e-ishq kaa baankpan pas-e-marg ham ne bhulaa diyaa

ik tarz-e-taghaaful hai so vo un ko mubaarak
ik arz-e-tamannaa hai so ham karte raheinge

jo talab pe ahd-e-vafaa kiyaa to vo aabru-e-vafaa gai
sar-e-aam jab hue muddai to savaab-e-sidq-o-vafaa gayaa

pyaaso raho na dasht mein baarish ke muntazir
maaro zamin pe paanv ki paani nikal paDe

vo gulaabi baadalon mein ek niili jhiil si
hosh qaaem kaise rahte thaa hi kuchh aisaa libaas

mat ponchh abru-e-araq-aalud haath se
laazim hai ehtiyaat ki hai aab-daar tegh

namaaziyon ne tujh abru ko dekh masjid mein
ba-samt-e-qibla sujud-o-qayaam bhuul gae

tiri mehraab mein abru ki ye khaal
kidhar se aa gayaa masjid mein hindu

buz-dili hogi charaaghon ko dikhaanaa aankhein
abr chhaT jaae to suraj se milaanaa aankhein