kabhi meri talab kachche ghaDe par paar utarti hai — Fareed Parbati

tumhein bhi bhulne ki koshishein kiin
ki khud par bhi qayaamat kar gayaa vo

— Fareed Parbati

kisi pe karnaa nahin e'tibaar meri tarah
luTaa ke baiThoge sabr o qaraar meri tarah

— Fareed Parbati

'farid' ik din sahaare zindagi ke TuuT jaaeinge
sabab ye hai ki khud ko be-sahaaraa kar rahaa huun main

— Fareed Parbati

bagula ban ke uDaa khvaahishon ke sahraa mein
Thahar gayaa to faqat thaa ghubaar meri tarah

— Fareed Parbati

tamannaa apni un par aashkaaraa kar rahaa huun main
jo pahle kar chukaa huun ab dobaaraa kar rahaa huun main

— Fareed Parbati

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

miri tamannaa hai ab ke tum phir milo to ji bhar ke muskuraaein
ki dekhnaa hai ye raushni kaa safar bahut der baa'd jaa kar

— Jafar Shirazi

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

yaad aai hai to phir TuuT ke yaad aai hai
koi guzri hui manzil koi bhuli hui dost

— Ahmad Faraz

yuun to maujud apne ghar mein hai
aadmi mustaqil safar mein hai

— Saleem Amrohvi

safar mein aise kai marhale bhi aate hain
har ek moD pe kuchh log chhuT jaate hain

— Aabid Adeeb