baat ahl-e-junun ki kyaa samjhe — Farhat Abbas

donon laazim hain laa-zavaal bhi hain
ik tiraa husn ik miraa ye ishq

tere saanche mein Dhal gayaa aakhir
shahr saaraa badal gayaa aakhir

jise bhi dost banaayaa vo ban gayaa dushman
ye ham ne kaun si taqsir ki sazaa paai

haar jaaegi zindagi lekin
haarne kaa nahin miraa ye ishq

kis saadgi se vo bhi daghaa de gayaa mujhe
jis shakhs ne kahaa thaa kabhi devtaa mujhe

tum use le chalo lab-e-kausar
ai farishto ye karbalaai hai