haar jaaegi zindagi lekin — Farhat Abbas

donon laazim hain laa-zavaal bhi hain
ik tiraa husn ik miraa ye ishq

tere saanche mein Dhal gayaa aakhir
shahr saaraa badal gayaa aakhir

jise bhi dost banaayaa vo ban gayaa dushman
ye ham ne kaun si taqsir ki sazaa paai

kis saadgi se vo bhi daghaa de gayaa mujhe
jis shakhs ne kahaa thaa kabhi devtaa mujhe

'farhat' sunaaun kis ko kahaani main gaanv ki
ghar ghar mein zinda laashein thiin majbur maaon ki

tum use le chalo lab-e-kausar
ai farishto ye karbalaai hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

ham-nashin us ko jo laanaa hai to laa jald ki ham
thaame baiThe rahein kab tak dil-e-muztar apnaa

vo aashiqi ke khet mein saabit qadam huaa
jo koi zakhm-e-ishq liyaa dil ki Dhaal par

dil ki kyaa puchhe hai ik qatra-e-khun thaa hamdam
so gham-e-ishq ne aate hi use nosh kiyaa

vaarasta kar diyaa jise ulfat ne bas vo shakhs
kab daam-e-kufr o rishta-e-islaam mein phansaa