donon laazim hain laa-zavaal bhi hain — Farhat Abbas

zalzalon ki numud se 'farhat'
mustaqar mustaqar nahin rahte

tum use le chalo lab-e-kausar
ai farishto ye karbalaai hai

tere saanche mein Dhal gayaa aakhir
shahr saaraa badal gayaa aakhir

jise bhi dost banaayaa vo ban gayaa dushman
ye ham ne kaun si taqsir ki sazaa paai

haar jaaegi zindagi lekin
haarne kaa nahin miraa ye ishq

baat ahl-e-junun ki kyaa samjhe
vo khirad jo kaDe ziyaan mein hai

sabhi se jab mohabbat chaahte ho
mohabbat kyon nahin karte sabhi se

husn jalva dikhaa gayaa apnaa
ishq baiThaa rahaa udaas kahin

be-zabaani zabaan na ho jaae
raaz-e-ulfat ayaan na ho jaae

ham se pahle bhi mohabbat kaa yahi anjaam thaa
qais bhi naashaad thaa farhaad bhi naakaam thaa

kyaa kahun tum se main ki kyaa hai ishq
jaan kaa rog hai balaa hai ishq

ye jo lahore se mohabbat hai
ye kisi aur se mohabbat hai