'farhat' sunaaun kis ko kahaani main gaanv ki — Farhat Abbas

zalzalon ki numud se 'farhat'
mustaqar mustaqar nahin rahte

— Farhat Abbas

tum use le chalo lab-e-kausar
ai farishto ye karbalaai hai

— Farhat Abbas

donon laazim hain laa-zavaal bhi hain
ik tiraa husn ik miraa ye ishq

— Farhat Abbas

tere saanche mein Dhal gayaa aakhir
shahr saaraa badal gayaa aakhir

— Farhat Abbas

jise bhi dost banaayaa vo ban gayaa dushman
ye ham ne kaun si taqsir ki sazaa paai

— Farhat Abbas

baat ahl-e-junun ki kyaa samjhe
vo khirad jo kaDe ziyaan mein hai

— Farhat Abbas

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

— Parveen Shakir

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi