dar-asl is jahaan ko zarurat nahin miri — Farhat Ehsas

vo chaand kah ke gayaa thaa ki aaj niklegaa
to intizaar mein baiThaa huaa huun shaam se main

ek bose ke bhi nasib na hon
honTh itne bhi ab gharib na hon

phir soch ke ye sabr kiyaa ahl-e-havas ne
bas ek mahina hi to ramzaan rahegaa

mire ashaar hain vo aasmaani khvaab jin ko
miri miTTi ke honThon par utaaraa jaa rahaa hai

ik aayat-e-vajud huun miTTi ke Dher mein
mere nuzul ki to koi shaan hi nahin

mohabbat phuul banne par lagi thi
palaT kar phir kali kar li hai main ne