'farhat' tire naghmon ki vo shohrat hai jahaan mein — Farhat Kanpuri

dil ki raahein judaa hain duniyaa se
koi bhi raahbar nahin hotaa

— Farhat Kanpuri

aankhon mein base ho tum aankhon mein ayaan ho kar
dil hi mein na rah jaao aankhon se nihaan ho kar

— Farhat Kanpuri

duniyaa ne khuub samjhaa duniyaa ne khuub parkhaa
meri nazar ko dekhaa jab aap ki nazar se

— Farhat Kanpuri

hasti kaa raaz kyaa hai gham-e-hast-o-bud hai
aalam tamaam daam-e-rusum-o-quyud hai

— Farhat Kanpuri

daulat-e-ahd-e-javaani ho gae
chand lamhe jo kahaani ho gae

— Farhat Kanpuri

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq