aane vaali barkhaa dekhein kyaa dikhlaae aankhon ko — Habib Jalib

kuchh aur bhi hain kaam hamein ai gham-e-jaanaan
kab tak koi uljhi hui zulfon ko sanvaare

— Habib Jalib

sher se shaairi se Darte hain
kam-nazar raushni se Darte hain

— Habib Jalib

duniyaa to chaahti hai yunhi faasle rahein
duniyaa ke mashvaron pe na jaa us gali mein chal

— Habib Jalib

kuchh log khayaalon se chale jaaein to soein
biite hue din raat na yaad aaein to soein

— Habib Jalib

chhoD is baat ko ai dost ki tujh se pahle
ham ne kis kis ko khayaalon mein basaae rakkhaa

— Habib Jalib

ik tiri yaad se ik tere tasavvur se hamein
aa gae yaad kai naam hasinaaon ke

— Habib Jalib

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

sach ishq mein hain aashiq o maashuq baraabar
jo mushkil-e-majnun hai so hai mushkil-e-lailaa

— Mushafi Ghulam Hamdani

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

chaand ne taan li hai chaadar-e-abr
ab vo kapDe badal rahi hogi

— Jaun Elia

havaa shaakhon mein rukne aur ulajhne ko hai is lamhe
guzarte baadalon mein chaand haail hone vaalaa hai

— Zafar Iqbal

us ne baarish mein bhi khiDki khol ke dekhaa nahin
bhigne vaalon ko kal kyaa kyaa pareshaani hui

— Jamal Ehsani