haae vo naghma jis kaa mughanni — Hafeez Merathi

shisha TuuTe ghul mach jaae
dil TuuTe aavaaz na aae

— Hafeez Merathi

vo vaqt kaa jahaaz thaa kartaa lihaaz kyaa
main doston se haath milaane mein rah gayaa

— Hafeez Merathi

raat ko raat kah diyaa main ne
sunte hi baukhlaa gai duniyaa

— Hafeez Merathi

ik ajnabi ke haath mein de kar hamaaraa haath
lo saath chhoDne lagaa aakhir ye saal bhi

— Hafeez Merathi

bad-tar hai maut se bhi ghulaami ki zindagi
mar jaaiyo magar ye gavaaraa na kijiyo

— Hafeez Merathi

abhi se hosh uDe maslahat-paraston ke
abhi main bazm mein aayaa abhi kahaan bolaa

— Hafeez Merathi

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

ye aansu ponchh lijiye aur muskuraaiye
chaara nahin hai koi bhi rukhsat kiye baghair

— Nasim Zahid

ham haal to kah sakte hain apnaa pa kahein kyaa
jab vo idhar aate hain to tanhaa nahin aate

— Nazeer Akbar Abadi

husn jalva dikhaa gayaa apnaa
ishq baiThaa rahaa udaas kahin

— Saifuddin Saif

main ne apni palkon par gham-kade sajaae hain
aarzu ke maatam mein sogvaar hasti hai

— Hanif Fauq