kabhi kabhi hamein duniyaa hasin lagti thi — Hafeez Merathi

haae vo naghma jis kaa mughanni
gaataa jaae rotaa jaae

— Hafeez Merathi

shisha TuuTe ghul mach jaae
dil TuuTe aavaaz na aae

— Hafeez Merathi

vo vaqt kaa jahaaz thaa kartaa lihaaz kyaa
main doston se haath milaane mein rah gayaa

— Hafeez Merathi

raat ko raat kah diyaa main ne
sunte hi baukhlaa gai duniyaa

— Hafeez Merathi

ik ajnabi ke haath mein de kar hamaaraa haath
lo saath chhoDne lagaa aakhir ye saal bhi

— Hafeez Merathi

abhi se hosh uDe maslahat-paraston ke
abhi main bazm mein aayaa abhi kahaan bolaa

— Hafeez Merathi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

sabhi se jab mohabbat chaahte ho
mohabbat kyon nahin karte sabhi se

— Saleem Amrohvi

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

— Haidar Ali Aatish

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

kin manzilon luTe hain mohabbat ke qaafile
insaan zamin pe aaj gharib-ul-vatan saa hai

— Ada Jafarey

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri