shab-e-daraaz kaa hai qissa mukhtasar 'kaifi' — Haneef Kaifi

anaa anaa ke muqaabil hai raah kaise khule
taalluqaat mein haail hai baat ki divaar

— Haneef Kaifi

bikhar ke ret hue hain vo khvaab dekhe hain
miri nigaah ne kitne saraab dekhe hain

— Haneef Kaifi

koi bhi rut ho mili hai dukhon ki fasl hamein
jo mausam aayaa hai us ke itaab dekhe hain

— Haneef Kaifi

sab nazar aate hain chehre gard gard
kyaa hue be-aab aaine tamaam

— Haneef Kaifi

apni jaanib nahin ab lauTnaa mumkin meraa
Dhal gayaa huun main saraapaa tire aaine mein

— Haneef Kaifi

muddatein guzrin mulaaqaat hui thi tum se
phir koi aur na aayaa nazar aaine mein

— Haneef Kaifi

jhaankte raat ke garebaan se
ham ne sau aaftaab dekhe hain

— Salman Akhtar

shor din ko nahin sone detaa
shab ko sannaaTaa jagaa detaa hai

— Saifuddin Saif

raushni ho rahi hai kuchh mahsus
kyaa shab aakhir tamaam ko pahunchi

— Aslam Farrukhi

charaagh ki thartharaati lau mein har os qatre mein har kiran mein
tumhaari aankhein kahaan nahin thiin tumhaaraa chehra kahaan nahin thaa

— Aziz Nabeel

aadhi se ziyaada shab-e-gham kaaT chukaa huun
ab bhi agar aa jaao to ye raat baDi hai

— Saqib Lakhnavi

shikva-e-zulmat-e-shab se to kahin behtar thaa
apne hisse ki koi shama jalaate jaate

— Ahmad Faraz