sab nazar aate hain chehre gard gard — Haneef Kaifi

apni jaanib nahin ab lauTnaa mumkin meraa
Dhal gayaa huun main saraapaa tire aaine mein

muddatein guzrin mulaaqaat hui thi tum se
phir koi aur na aayaa nazar aaine mein

apne kaandhon pe liye phirtaa huun apni hi salib
khud miri maut kaa maatam hai mire jiine mein

anaa anaa ke muqaabil hai raah kaise khule
taalluqaat mein haail hai baat ki divaar

shab-e-daraaz kaa hai qissa mukhtasar 'kaifi'
hui sahar ke ujaalon mein gum charaagh ki lau

tamaam aalam se moD kar munh main apne andar samaa gayaa huun
mujhe na aavaaz de zamaane main apni aavaaz sun rahaa huun

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

maarka garm to ho lene do khun-rezi kaa
pahle shamshir ke niche hamin jaa baiTheinge