main ne jitne bhi log dekhe hain — Idris Azad

tire rang-o-bu ko bhi dekhte na khayaal thaa na majaal thi
jo sakat mili tujhe dekhne ki to rang-o-bu se nikal gae

— Idris Azad

khinch laati hai samundar se jazire sar-e-aab
jab miri aankh ko manzar ki tamanna ho jaae

— Idris Azad

itne zaalim na bano kuchh to muravvat sikho
tum pe marte hain to kyaa maar hi Daaloge hamein

— Idris Azad

main to itnaa bhi samajhne se rahaa hon qaasir
raah takne ke sivaa aankh kaa maqsad kyaa hai

— Idris Azad

main apne aap se rahtaa huun duur eid ke din
ik ajnabi saa takalluf nae libaas mein hai

— Idris Azad

tum ne taaron ko rahnumaa jaanaa
ham ne taaron ki rahnumaai ki

— Idris Azad