main apne aap se rahtaa huun duur eid ke din — Idris Azad

tire rang-o-bu ko bhi dekhte na khayaal thaa na majaal thi
jo sakat mili tujhe dekhne ki to rang-o-bu se nikal gae

— Idris Azad

main ne jitne bhi log dekhe hain
sab ke sinon mein rog dekhe hain

— Idris Azad

khinch laati hai samundar se jazire sar-e-aab
jab miri aankh ko manzar ki tamanna ho jaae

— Idris Azad

itne zaalim na bano kuchh to muravvat sikho
tum pe marte hain to kyaa maar hi Daaloge hamein

— Idris Azad

main to itnaa bhi samajhne se rahaa hon qaasir
raah takne ke sivaa aankh kaa maqsad kyaa hai

— Idris Azad

tum ne taaron ko rahnumaa jaanaa
ham ne taaron ki rahnumaai ki

— Idris Azad

roza-daaraan-e-judaai kuun kham-e-abru-e-yaar
maah-e-id-e-ramazaan thaa mujhe maalum na thaa

— Siraj Aurangabadi

muddaton baa'd kabhi ai nazar aane vaale
iid kaa chaand na dekhaa tiri surat dekhi

— Manzar Lakhnavi

iid par masrur hain donon miyaan biivi bahut
ik kharidaari se pahle ik kharidaari ke baad

— Sarfaraz Shahid

ai havaa tu hi use eid-mubaarak kahiyo
aur kahiyo ki koi yaad kiyaa kartaa hai

— Tripurari

us mehrbaan nazar ki inaayat kaa shukriya
tohfa diyaa hai eid pe ham ko judaai kaa

— Unknown

ishq-e-mizhgaan mein hazaaron ne gale kaTvaae
id-e-qurbaan mein jo vo le ke chhuri baiTh gayaa

— Shad Lakhnavi