us ke chehre ki chamak ke saamne saada lagaa — Iftikhar Naseem

agarche phuul ye apne liye kharide hain
koi jo puchhe to kah dungaa us ne bheje hain

— Iftikhar Naseem

is qadar bhi to na jazbaat pe qaabu rakkho
thak gae ho to mire kaandhe pe baazu rakkho

— Iftikhar Naseem

hazaar talkh hon yaadein magar vo jab bhi mile
zabaan pe achchhe dinon kaa hi zaaiqa rakhnaa

— Iftikhar Naseem

kaTi hai umr kisi aabdoz kashti mein
safar tamaam huaa aur kuchh nahin dekhaa

— Iftikhar Naseem

taaq par juzdaan mein lipTi duaaein rah gaiin
chal diye beTe safar par ghar mein maaein rah gaiin

— Iftikhar Naseem

mujh se nafrat hai agar us ko to izhaar kare
kab main kahtaa huun mujhe pyaar hi kartaa jaae

— Iftikhar Naseem

ret par ik nishaan hai shaayad
ye hamaaraa makaan hai shaayad

— Muzaffar Abdali

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi