zindagi aaj teraa lutf o karam — Indira Varma

tumhaare binaa sab adhure hain jaanaan
sabaa phuul khush-bu chaman raushni rang

— Indira Varma

ye shafaq chaand sitaare nahin achchhe lagte
tum nahin ho to nazaare nahin achchhe lagte

— Indira Varma

yahi fasaana rahaa hai junun ke sahraa mein
kabhi firaaq ke qisse kabhi visaal ki baat

— Indira Varma

vaqt khaamosh hai TuuTe hue rishton ki tarah
vo bhalaa kaise mire dil ki khabar paaegaa

— Indira Varma

shikasta-dil andheri shab akelaa raahbar kyuun ho
na ho jab ham-safar koi to apnaa bhi safar kyuun ho

— Indira Varma

kitaab-e-zist kaa unvaan ban gae ho tum
hamaare pyaar ki dekho ye intihaa saahab

— Indira Varma

kam-umri mein sunet hain
mar jaate hain achchhe log

— Malikzada Javed

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

— Ahmad Faraz

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

zindagi ke bahut qarib na jaa
faasla kuchh to apne dhyaan mein rakh

— Akmal Imaam

apne man mein Duub kar paa jaa suraagh-e-zindagi
tu agar meraa nahin bantaa na ban apnaa to ban

— Allama Iqbal

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

— Arshad Jamal Sarim