Indira Varma

ابھی سے کیسے کہوں تم کو بے وفا صاحب ابھی تو اپنے سفر کی ہے ابتدا صاحب نہ جانے کتنے لقب دے رہا ہے دل تم کو حضور جان وفا اور ہم نوا صاحب تمہاری یاد میں تارے شمار کرتی ہوں نہ جانے ختم کہاں ہو یہ سلسلہ صاحب کتاب زیست کا عنوان بن گئے ہو تم ہمارے پیار کی دیکھو یہ انتہا صاحب تمہارا چہرہ مرے عکس سے ابھرتا ہے نہ جانے کون بدلتا ہے آئینہ صاحب رہ وفا میں ذرا احتیاط لازم ہے ہر ایک گام پہ ہوتا ہے حادثہ صاحب سیاہ رات ہے مہتاب بن کے آ جاؤ یہ اندراؔ کے لبوں پر ہے التجا صاحب

abhi se kaise kahun tum ko bevafaa saahab

دل سے اپنے خودبخود کچھ پوچھئے میرے لیے فیصلہ اب کیجئے یا سوچئے میرے لیے فکر دنیا سے نہ جانے آپ کیوں ہیں اشک بار ان مسلسل آنسوؤں کو روکئے میرے لیے میں تو کب سے منتظر ہوں آپ کے احسان کی درد کا آہوں سے سودا کیجئے میرے لیے آپ کا لہجہ شہد جیسا ترنم خیز ہے خامشی اب توڑیئے اور بولئے میرے لیے آپ کو سب لوگ کہتے ہیں مسیحا اے صنم زندگی مجھ کو بھی دے کر دیکھیے میرے لیے

dil se apne khud-ba-khud kuchh puchhiye mere liye

ترے خیال کا چرچا ترے خیال کی بات شب فراق میں پیہم رہی وصال کی بات تم اپنی چارہ گری کو نہ پھر کرو رسوا ہمارے حال پہ چھوڑو ہمارے حال کی بات کماں سی ابرو کا عالم عجیب ہے دیکھو فلک کے چاند سے بہتر ہے اس ہلال کی بات یہی فسانہ رہا ہے جنوں کے صحرا میں کبھی فراق کے قصے کبھی وصال کی بات بہار آئی تو کھل کر کہا ہے پھولوں نے یہ کس نے چھیڑ دی گلشن میں پھر جمال کی بات تو اپنے آپ میں تنہا ہے میری نظروں میں کہاں سے ڈھونڈ کے لاؤں ترے مثال کی بات بنا طلب کے عطا کر رہا ہے وہ مجھ کو لبوں پہ میرے نہ آئے کبھی سوال کی بات

tire khayaal kaa charchaa tire khayaal ki baat

اس سے مت کہنا میری بے سر و سامانی تک وہ نہ آ جائے کہیں میری پریشانی تک میں تو کچھ بھی نہیں کرتی ہوں محبت کے لیے عشق والے تو لٹا دیتے ہیں سلطانی تک کیسے صحرا میں بھٹکتا ہے مرا تشنہ لب کیسی بستی ہے جہاں ملتا نہیں پانی تک ناخدا دیکھ چکا کالی گھٹا کے تیور بادباں کھول دئیے اس نے بھی طغیانی تک پر خطر راہ میری ہونے لگی ہے آساں خوف کس کا ہے بھلا تیری نگہبانی تک

us se mat kahnaa meri be-sar-o-saamaani tak

کبھی مڑ کے پھر اسی راہ پر نہ تو آئے تم نہ تو آئے ہم کبھی فاصلوں کو سمیٹ کر نہ تو آئے تم نہ تو آئے ہم جو تمہیں ہے اپنی انا پسند تو مجھ بھی شرط کا پاس ہے یہ ضدوں کے سلسلے توڑ کر نہ تو آئے تم نہ تو آئے ہم انہیں چاہتوں میں بندھے ہوئے ابھی تم بھی ہو ابھی ہم بھی ہیں ہے کشش دلوں میں بہت مگر نہ تو آئے تم نہ تو آئے ہم شب وصل بھی شب ہجر ہے شب ہجر اب تو ہے مستقل یہی سوچنے میں ہوئی سحر نہ تو آئے تم نہ تو آئے ہم وہ جھروکے پردوں میں بند ہیں وہ تمام گلیاں اداس ہیں کبھی خواب میں سر رہ گزر نہ تو آئے تم نہ تو آئے ہم اسی شہر کی اسی راہ پر تھے ہمارے گھر بھی قریب تر یوں ہی گھومتے رہے عمر بھر نہ تو آئے تم نہ تو آئے ہم کبھی اتفاق سے مل گئے کسی شہر کے کسی موڑ پر تو یہ کہہ اٹھے گی نظر نظر کیوں نہ آئے تم کیوں نہ آئے ہم

kabhi muD ke phir isi raah par na to aae tum na to aae ham

یوں وفا کے سارے نبھاؤ غم کہ فریب میں بھی یقین ہو کوئی بات ایسی کہو صنم کہ فریب میں بھی یقین ہو یہ دیار شیشہ فروش ہے یہاں آئینوں کی بساط کیا یہاں اس طرح سے رکھو قدم کہ فریب میں بھی یقین ہو مری چاہتوں میں غرور ہو دل ناتواں میں سرور ہو تمہیں اب کے کھانا ہے وہ قسم کہ فریب میں بھی یقین ہو یہی بات کہہ دو پکار کے وہی سلسلے رہیں پیار کے اسی ناز میں رہے پھر بھرم کہ فریب میں بھی یقین ہو مرے عشق کا یہ معیار ہو کہ وصال بھی نہ شمار ہو اسی اعتبار پہ ہو کرم کہ فریب میں بھی یقین ہو مرے انتظار کو کیا خبر تمہیں اختیار ہے اس قدر مجھے دو سلیقہ یہ کم سے کم کہ فریب میں بھی یقین ہو جہاں ذکر مہر و وفا ملے وہیں اندراؔ کا قلم چلے یہ کتاب عشق میں ہو رقم کہ فریب میں بھی یقین ہو

yuun vafaa ke saare nibhaao gham ki fareb mein bhi yaqin ho