vo jis ki aabru main ne bachaai thi 'aatif' — Irshad Atif

rahe na mehmaan hamaaraa bhukaa
charaagh yuun bhi bujhaayaa ham ne

— Irshad Atif

ujaalaa bechne vo aa gae hain aaj pasti mein
jo kal kah kar gae the ham andheron ko miTaaeinge

— Irshad Atif

khud-kushi se sabaq milaa ham ko
zindagi maut se to behtar hai

— Irshad Atif

main bhalaa bach paataa kaise zulm ke pathraav se
kaanch ki divaar se meri hifaazat ki gai

— Irshad Atif

nekiyaan karne kaa 'aatif' kyaa 'ajab andaaz hai
saikDon ko luuT kar kuchh par sakhaavat ki gai

— Irshad Atif

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb