rahe na mehmaan hamaaraa bhukaa — Irshad Atif

ujaalaa bechne vo aa gae hain aaj pasti mein
jo kal kah kar gae the ham andheron ko miTaaeinge

khud-kushi se sabaq milaa ham ko
zindagi maut se to behtar hai

main bhalaa bach paataa kaise zulm ke pathraav se
kaanch ki divaar se meri hifaazat ki gai

nekiyaan karne kaa 'aatif' kyaa 'ajab andaaz hai
saikDon ko luuT kar kuchh par sakhaavat ki gai

vo jis ki aabru main ne bachaai thi 'aatif'
subut maangtaa hai mujh se paarsaai kaa

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

maarka garm to ho lene do khun-rezi kaa
pahle shamshir ke niche hamin jaa baiTheinge