khud-kushi se sabaq milaa ham ko — Irshad Atif

rahe na mehmaan hamaaraa bhukaa
charaagh yuun bhi bujhaayaa ham ne

ujaalaa bechne vo aa gae hain aaj pasti mein
jo kal kah kar gae the ham andheron ko miTaaeinge

main bhalaa bach paataa kaise zulm ke pathraav se
kaanch ki divaar se meri hifaazat ki gai

nekiyaan karne kaa 'aatif' kyaa 'ajab andaaz hai
saikDon ko luuT kar kuchh par sakhaavat ki gai

vo jis ki aabru main ne bachaai thi 'aatif'
subut maangtaa hai mujh se paarsaai kaa

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

vo bhi na aayaa umr-e-guzishta ke misl hi
ham bhi khaDe rahe dar-o-divaar ki tarah

koi hayaat ke maani bataa ke samjhaae
tavil kyaa hai bhalaa mukhtasar kaa kyaa matlab

zindagi bhar mujhe is baat ki hasrat hi rahi
din guzaarun to koi raat suhaani aae