aankhon se dil ke diid ko maane nahin nafas — Ishq Aurangabadi

us ki aankhon ke agar vasf raqam kijiyegaa
shaakh-e-nargis ko qalam kar ke qalam kijiyegaa

— Ishq Aurangabadi

gar shaikh ne aah ki to mat bhuul
dil mein patthar ke bhi sharar hai

— Ishq Aurangabadi

'ishq' raushan thaa vahaan dida-e-aahu se charaagh
main jo yak raat gayaa qais ke kaashaane mein

— Ishq Aurangabadi

aaina kabhi qaabil-e-didaar na hove
gar khaak ke saath us ko sarokaar na hove

— Ishq Aurangabadi

tu ne kyaa dekhaa nahin gul kaa pareshaan ahvaal
ghuncha kyuun ainThaa huaa rahtaa hai zardaar ki tarah

— Ishq Aurangabadi

ho gul bulbul tabhi bulbul pe bulbul phuul kar gul ho
tire gar gul-badan bar mein qabaa-e-chashm-e-bulbul ho

— Ishq Aurangabadi

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

— Ibn

jab ki pahlu se yaar uThtaa hai
dard be-ikhtiyaar uThtaa hai

— Mir Taqi Mir

kaabe ko jaataa kis liye hindostaan se main
kis but mein shahr-e-hind ke shaan-e-khudaa na thi

— Rind Lakhnavi

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

— Raghvendra Dwivedi

dekhe na mujhe kyunkar az-chashm-e-hiqaarat-u
vo sarv-e-javaan yaaro man-faakhta-e-piram

— Nazeer Akbar Abadi