dariyaa ki tarah ravaan huun lekin — Ismail Merathi

thi chheD usi taraf se varna
main aur majaal aarzu ki

— Ismail Merathi

haan dil-e-be-taab chande intizaar
amn-o-raahat kaa Thikaana aur hai

— Ismail Merathi

roz-e-jazaa mein aakhir puchhaa na jaaegaa kyaa
teraa ye chup lagaanaa meraa savaal karnaa

— Ismail Merathi

samajhte hain sheron ko bhi narm chaara
ghazaalaan-e-shahri se hoshyaar rahnaa

— Ismail Merathi

hai ashk-o-aah raas hamaare mizaaj ko
yaani pale hue isi aab-o-havaa ke hain

— Ismail Merathi

dilbari jazb-e-mohabbat kaa karishma hai faqat
kuchh karaamat nahin jaadu nahin eajaaz nahin

— Ismail Merathi

dil ki lahron kaa tul-o-arz na puchh
kabhu dariyaa kabhu safinaa hai

— Shaikh Zahuruddin Hatim

sab ummidein mire aashob-e-tamannaa tak thiin
bastiyaan ho gaiin gharqaab to dariyaa utraa

— Hasan Abidi

chaand hai paani mein yaa bhule hue chehre kaa aks
saahil-e-dariyaa pe dekho main bhi hairaani mein huun

— Kausar Mazhari

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

— Agha Hajju Sharaf

miri is chashm-e-tar se abr-e-baaraan ko hai kyaa nisbat
ki vo dariyaa kaa paani aur ye khun-e-dil hai barsaati

— Nazeer Akbar Abadi

chaand bhi hairaan dariyaa bhi pareshaani mein hai
aks kis kaa hai ki itni raushni paani mein hai

— Farhat Ehsas