samajhte hain sheron ko bhi narm chaara — Ismail Merathi

thi chheD usi taraf se varna
main aur majaal aarzu ki

dariyaa ki tarah ravaan huun lekin
ab tak bhi vahin huun main jahaan huun

haan dil-e-be-taab chande intizaar
amn-o-raahat kaa Thikaana aur hai

roz-e-jazaa mein aakhir puchhaa na jaaegaa kyaa
teraa ye chup lagaanaa meraa savaal karnaa

hai ashk-o-aah raas hamaare mizaaj ko
yaani pale hue isi aab-o-havaa ke hain

dilbari jazb-e-mohabbat kaa karishma hai faqat
kuchh karaamat nahin jaadu nahin eajaaz nahin

jab ki pahlu se yaar uThtaa hai
dard be-ikhtiyaar uThtaa hai

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

yaar bhi raah ki divaar samajhte hain mujhe
main samajhtaa thaa mire yaar samajhte hain mujhe

thak gayaa hai dil-e-vahshi miraa fariyaad se bhi
ji bahaltaa nahin ai dost tiri yaad se bhi

jo ghair the vo isi baat par hamaare hue
ki ham se dost bahut be-khabar hamaare hue

barseingi aaj rahmatein aamad hai yaar ki
naayaab hain ye ghaDiyaan tire intizaar ki