dil ko is tarh dekhne vaale — Jalaluddin Akbar

ye bhuul bhi kyaa bhuul hai ye yaad bhi kyaa yaad
tu yaad hai aur koi nahin tere sivaa yaad

— Jalaluddin Akbar

tiraa vasl hai mujhe be-khudi tiraa hijr hai mujhe aagahi
tiraa vasl mujh ko firaaq hai tiraa hijr mujh ko visaal hai

— Jalaluddin Akbar

ishq se hai farogh-e-rang-e-jahaan
ibtidaa ham hain intihaa hain ham

— Jalaluddin Akbar

ye kaaenaat ye bazm-e-zuhur kuchh bhi nahin
tiri nazar mein nahin hai jo nuur kuchh bhi nahin

— Jalaluddin Akbar

main baDaa ho gayaa huun magar bachpanaa
mere dil se kabhi bhi gayaa hi nahin

— Divyansh Rawat

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

— Mirza Mohammad Hadi Aziz Lakhnavi

unhein apne dil ki khabrein mire dil se mil rahi hain
main jo un se ruuTh jaaun to payaam tak na pahunche

— Shakeel Badayuni

main badalte hue haalaat mein Dhal jaataa huun
dekhne vaale adaakaar samajhte hain mujhe

— Shahid Zaki

dil-e-haris hi apnaa na ho sakaa qaane
vagarna tere karam mein to kuchh kami na rahi

— Soz Hoshiarpuri

khudaa ke haath mein mat saunp saare kaamon ko
badalte vaqt pe kuchh apnaa ikhtiyaar bhi rakh

— Nida Fazli