ishq se hai farogh-e-rang-e-jahaan — Jalaluddin Akbar

ye bhuul bhi kyaa bhuul hai ye yaad bhi kyaa yaad
tu yaad hai aur koi nahin tere sivaa yaad

tiraa vasl hai mujhe be-khudi tiraa hijr hai mujhe aagahi
tiraa vasl mujh ko firaaq hai tiraa hijr mujh ko visaal hai

dil ko is tarh dekhne vaale
dil agar be-qaraar ho jaae

ye kaaenaat ye bazm-e-zuhur kuchh bhi nahin
tiri nazar mein nahin hai jo nuur kuchh bhi nahin

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

sabhi se jab mohabbat chaahte ho
mohabbat kyon nahin karte sabhi se

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

baat karnaa pyaar ki aasaan se aasaan hai
ishq karnaa karte rahnaa hai kaThin se bhi kaThin

husn jalva dikhaa gayaa apnaa
ishq baiThaa rahaa udaas kahin