miraa kamaal ki main is fazaa mein zinda huun — Jamal Ehsani

us ne baarish mein bhi khiDki khol ke dekhaa nahin
bhigne vaalon ko kal kyaa kyaa pareshaani hui

— Jamal Ehsani

hazaar tarah ke the ranj pichhle mausam mein
par itnaa thaa ki koi saath rone vaalaa thaa

— Jamal Ehsani

isi ik baat par hai ittifaaq-o-ikhtilaaf us se
use aaina aur mujh ko piyaala achchhaa lagtaa hai

— Jamal Ehsani

jo dil ke taaq mein tu ne charaagh rakkhaa thaa
na puchh main ne use kis tarah sitaara kiyaa

— Jamal Ehsani

chaaron jaanib rachi hui hai ashkon ki bu-baas
is raste se guzre honge qaafile hijrat vaale

— Jamal Ehsani

vo log mere bahut pyaar karne vaale the
guzar gae hain jo mausam guzarne vaale the

— Jamal Ehsani

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

pyaaso raho na dasht mein baarish ke muntazir
maaro zamin pe paanv ki paani nikal paDe

— Iqbal Sajid

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi

aasmaan jhaank rahaa hai 'khaalid'
chaand kamre mein mire utraa hai

— Khalid Sharif