baagh mein jaa kar dekh liyaa — Jameel Malik

ye manzar ye ruup anokhe sab shahkaar hamaare hain
ham ne apne khun-e-jigar se kyaa kyaa naqsh ubhaare hain

— Jameel Malik

aap mein gum hain magar sab ki khabar rakhte hain
ghar mein baiThe hain zamaane pe nazar rakhte hain

— Jameel Malik

ham to tamaam umr tiri hi adaa rahe
ye kyaa huaa ki phir bhi hamin bevafaa rahe

— Jameel Malik

ham se koi taalluq-e-khaatir to hai use
vo yaar baa-vafaa na sahi bevafaa to hai

— Jameel Malik

kaise the log jin ki zabaanon mein nuur thaa
ab to tamaam jhuuT hai sachchaaiyon mein bhi

— Jameel Malik

us ki khamoshiyon mein nihaan kitnaa shor thaa
mujh se sivaa vo dard kaa khugar lagaa mujhe

— Jameel Malik

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

qaatil tiri gali bhi badaun se kam nahin
jis ke qadam qadam pe mazaar-e-shahid hai

— Mushafi Ghulam Hamdani

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

— Irfan Sattar

sabza o gul kahaan se aae hain
abr kyaa chiiz hai havaa kyaa hai

— Mirza Ghalib

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

— Nadeem Bhabha

jaise ye mez miTTi kaa haathi ye phuul
ek kone mein ham bhi hain rakkhe hue

— Shariq Kaifi