jab lagein zakhm to qaatil ko duaa di jaae — Jan Nisar Akhtar

ye ilm kaa saudaa ye risaale ye kitaabein
ik shakhs ki yaadon ko bhulaane ke liye hain

— Jan Nisar Akhtar

ashaar mire yuun to zamaane ke liye hain
kuchh sher faqat un ko sunaane ke liye hain

— Jan Nisar Akhtar

zulfein siina naaf kamar
ek nadi mein kitne bhanvar

— Jan Nisar Akhtar

dil ko har lamha bachaate rahe jazbaat se ham
itne majbur rahe hain kabhi haalaat se ham

— Jan Nisar Akhtar

ishq mein kyaa nuqsaan nafa hai ham ko kyaa samjhaate ho
ham ne saari umr hi yaaro dil kaa kaarobaar kiyaa

— Jan Nisar Akhtar

itne maayus to haalaat nahin
log kis vaaste ghabraae hain

— Jan Nisar Akhtar

kaho kyaa mehrbaan naa-mehrbaan taqdir hoti hai
kahaa maan ki duaaon mein baDi taasir hoti hai

— Anjum Khaleeq

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

— Asim Wasti

abr barse to inaayat us ki
shaakh to sirf duaa karti hai

— Parveen Shakir

sikhaa na duaaon mein qanaaat kaa saliqa
vo maang rahaa huun jo muqaddar mein nahin hai

— Asim Wasti

sunne vaale ro diye sun kar mariz-e-gham kaa haal
dekhne vaale taras khaa kar duaa dene lage

— Saqib Lakhnavi

mahv yuun ho gae alfaaz-e-duaa vaqt-e-duaa
haath se zarf-e-talab chhuT gayaa ho jaise

— Salik Lakhnavi