safar mein tum hamaare saath rahnaa — Javed Akram Farooqi

kitnaa mushkil huaa javaab mujhe
kitnaa aasaan thaa savaal us kaa

— Javed Akram Farooqi

lamha lamha roz sanvarne vaalaa tu
lamha lamha lamha roz bikharne vaalaa main

— Javed Akram Farooqi

main haathon mein khanjar le kar soch rahaa huun
lauTungaa to meraa bhi ghar zakhmi hogaa

— Javed Akram Farooqi

ai khaak-e-vatan ab to vafaaon kaa silaa de
main TuTti saanson ki fasilon pe khaDaa huun

— Javed Akram Farooqi

muskuraane ki sazaa milti rahi
muskuraane ki khataa karte rahe

— Javed Akram Farooqi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

— Aabid Adeeb

ret par ik nishaan hai shaayad
ye hamaaraa makaan hai shaayad

— Muzaffar Abdali

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

— Aabid Adeeb

aasmaan jhaank rahaa hai 'khaalid'
chaand kamre mein mire utraa hai

— Khalid Sharif

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

— Irfan Sattar

gham hai na ab khushi hai na ummid hai na yaas
sab se najaat paae zamaane guzar gae

— Khumar Barabankavi