main haathon mein khanjar le kar soch rahaa huun — Javed Akram Farooqi

kitnaa mushkil huaa javaab mujhe
kitnaa aasaan thaa savaal us kaa

lamha lamha roz sanvarne vaalaa tu
lamha lamha lamha roz bikharne vaalaa main

ai khaak-e-vatan ab to vafaaon kaa silaa de
main TuTti saanson ki fasilon pe khaDaa huun

safar mein tum hamaare saath rahnaa
kahin ham raaston mein kho na jaaein

muskuraane ki sazaa milti rahi
muskuraane ki khataa karte rahe

jinhein ye fikr nahin sar rahe rahe na rahe
vo sach hi kahte hain jab bolne pe aate hain

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

apne ehsaas ki shiddat ko bujhaane ke liye
main nai tarz ke khush-fikr risaale maangon

shaakh se TuuT ke patte ne ye dil mein sochaa
kaun is tarah bhalaa maail-e-hijrat hogaa

fikr-e-jahaan dard-e-mohabbat firaaq-e-yaar
kyaa kahiye kitne gham hain miri zindagi ke saath

ye sochte hi rahe aur bahaar khatm hui
kahaan chaman mein nasheman bane kahaan na bane